کیا آپ کو بھی یہ پریشانی ہے ۔۔۔؟

ایک تازہ خبر ۔۔۔ لیکن اس پہلے ذرا میری پریشانی ملاحظہ فرمائیں ۔
واقعہ کچھ یوں ہے کہ میں نے بڑی توجہ اور انہماک سے اردو مجلس کو کھولا اور 16 دسمبر کے حوالے سے کچھ تحریر کرنے کا ارادہ کیا ۔ تھریڈ بنایا اور لکھنا شروع کیا ابھی ابتداء ہی کرپایا تھا کہ کمپیوٹر میں جان نہ رہی معلوم ہوا کہ بجلی داغ مفارقت دے گئی ہے ۔ خیر ۔۔۔۔۔ فیز تبدیل کیا [الحمدللہ ہمیں یہ سہولت دستیاب ہے ۔]اور دوبارہ سے کمپیوٹر کو اسٹارٹ کیا اور اس فیز سے بھی ابھی بمشکل پانچ منٹ استفادہ کرپایا تھا کہ یہ بھی ساتھ نہ نبھا سکا ۔ میں غصے اور بے بسی کے عالم اٹھ گیا اور دوبارہ کوشش نہ کی ۔مجھے یہ پریشانی ہوتی رہتی ہے ۔ اس لیے بعض اوقات سہولت ہوتے ہوئے بھی کمپیوٹر کے سامنے بیٹھتے ہوئے جھنجھلاہٹ ہوتی ہے ۔کہ کہیں ایسا نہ ہو کہ محنت ضایع نہ ہوجائے یا پھر وقت ضایع نہ ہو ۔
اور اب خبر ۔۔۔۔ وفاقی وزیر پانی وبجلی [نام مجھے یاد نہیں ]نے اعلان کیا ہے کہ بجلی کی یہ کیفیت آئندہ سال تک جاری رہے گی ۔
یہ بات یقینی ہو تو شاید صبر بھی آجائے ۔لیکن اس طرح کے وعدے پچھلے وزاء بھی کروا چکے ہیں ۔تو اعتبار کیسے کیا جائے ۔سو ہم اس تمام صورتحال کو پی جاتے ہیں ۔ گویا
رنج سے خوگر ہوا انساں تو مٹ جاتا ہے رنج
مشکلیں مجھ پر پڑیں اتنی کہ آساں ہو گئیں
ویسے میرا اس موضوع پر اس لیے لکھا کہ ایک دوسرے کی ڈھارس بندھائی جاسکے ۔یا پھر جو اس بھی مشکل صوتحال سے دوچار ہو تو ہم اسے دیکھ کر اپنی حالت پر شکر ادا کریں ۔کیا آپ کو بھی یہ مشکل درپیش ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔؟

مکمل تحریر >>>

شکنجہ یہود

یہودی کسطرح امریکہ پر کنٹرول کیے ہوئے ہیں پال فنڈلے کی اس کتاب سے معلوم ہوتا ہے ۔ پال فنڈلے سابق امریکی سینیٹر ہیں اور حکومتی ایوانوں میں یہودی اثرورسوخ کے بارے میں خوب خبر رکھتے ہیں ۔ ان کی اس کتاب کے ایک حصہ پیش خدمت ہے ۔ (اس کتاب کا اردو ترجمہ محترم سعید رومی صاحب نے کیا ہے ۔)

شکنجۂ یہود
شاہِ دماوند
واشنگٹن مخفف ناموں کے لیے شہرت ررکھتا ہے اور کانگریس میں ''AIPAC'' سب سے زیادہ مشہور ہے ۔ اس کا ذکر ہی ان لوگوں کو چونکا دینے اور متوجہ کرنے کے لیے کافی ہوتا ہے جو کہ کیپیٹل ہل پر مشرق وسطیٰ کی پالیسی سے تعلق رکھتے ہیں ۔ ''AIPAC'' یعنی امریکن اسرائیل پبلک افیئرز کمیٹی اب واشنگٹن میں اہم ترین لابی ہے ۔
۱۹۲۷ ء میں جبکہ مین چوتھی مرتبہ منتخب ہو کر کا نگریس کا ممبر تھا تو مجھے '' فارن افیئر ز کمیٹی '' مین نامز کیا گیا ۔ وقت میں اس کا نام بھی نہ سنا تھا ۔ ایک دن میں نے کمیٹی روم میں ذاتی گفتگو کے دوران اسرائیل کے شام پر حملے کو نامناسب کہا ۔ ایک سینیٹر ریپبلیکن ۔۔۔۔۔۔۔ مشی گن کے ولیم ۔ بروم فیلڈ نے مسکراتے ہوئے مجے کہا ''ذرا ''AIPAC'' کے Si Kenan تک تمہاری اس رائے کی خبر پہنچنے دو پھر دیکھنا ۔ ا س کا اشارہ I.L Kenan کی طرف تھا جو ''AIPAC'' کا ایکزیکٹو ڈائریکٹر تھا ۔ مٰن اس کے نام سے بھی اتنا ہی شناسا تھا جتنا کہ اس تنظیم کے نام سے جس کا وہ سربراہ تھا ۔ بعد میں یہ ثابت ہوا کہ بروم فیلڈ ہنسی مذاق نہیں کر رہا تھا ۔ ''AIPAC''کو اس ذاتی گفتگو کی بھی بھنک پہنچ جاتی تھی جو ایک کانگریس ممبر مشرق وسطی کے بارے میں کرے ۔ اسرائیل پر نکتہ چینی کرنے والے سیاسی خطرات کو دعوت دیتے ہیں ۔
''AIPAC'' اسرائیلی لابی کا ایک حصہ ہے لیکن اثر اندازی کے لحاظ سے یہ اہم ترین حصہ ہے ۔ یہ تنظیم پچھلے چند برسوں میں بہت گہرائی اور گیرائی حاصل کرچکی ہے ۔یہ کہنا قطعا مبالغہ آمیز نہ ہوگا کہ مشرق وسطی کے بارے میں یہ تنظیم کیپیٹل ہل کے ہر اہم پہلو پر چھا چکی ہے ۔ ہاؤس اور سینٹ کے ممبران تقریبا بلا استثنا اس کے احکام کی تعمیل کرتے ہیں کیونکہ انہیں معلوم ہے یہ تنظیم کیپیٹل ہل پر ایک ایسی سیاسی قوت کی براہ راست نمائندہ ہے جو ان کءے الیکشن کےوقت ان کے امکانات کو بنا اور بگاڑ سکتی ہے ۔
یہ بات چاہے حقیقت پر مبنی ہو یا فسانے پر لیکن یہ بات اہم ضرور ہے کہ ''AIPAC'' نام ہی ایک قوت ۔۔۔۔۔ یعنی ایک دہشت زدہ کر دینے والی قوت کا ہے ۔ اس کا جو شایع شدہ مواد ملتا ہے اس میں نیویارک ٹائمز اخبار کا یہ جملہ ہمیشہ بطور حوالہ در ج ہوتا ہے کہ یہ تنظیم مضبوط تین ، منظم ترین اور مؤثر ترین گروپ ہے جو واشنگٹن میں خارجہ پالیسی پر اثر انداز ہوتا ہے ۔MccCloskey Paul N. ‘ Pete’’
سابقه كانگريس ممبر نے تو صاف صاف يوں كها هے كه كانگريس پر ''AIPAC''كي دهشت چھائي هوئي هے ۔دوسرے كئي كا نگريس ممبران نے اپنے عوامي بيانات ميں اس قدر صاف گوئي سے كام نهيں ليا ' ليكن ذاتي گفتگو ميں وه اس سے متفق هيں ۔
''AIPAC'' كا يه اثرونفوذ كچھ زياده پراني بات نهيں ' صرف چند سال پيشتر ''Conf. of Presidents of Maj. Jewish Organisations’’ کو واشنگٹن میں سب سے اہم اسرائیل نواز گروپ سمجھا جاتا تھا کیوں کہ یہ ۳۸ مختلف یہودی گروپوں کی نمائندگی کا دعویدار تھا ۔Anti-Defamation League امریکن جیوش کمیٹی اور ''AIPAC'' اس کی حاشیہ بردار تھیں ۔ مؤخر الذکر دو تنظیموں کے الگ الگ 50000 ممبران ہیں ۔انٹی ڈی فیمیشن لیگ تکنیکی طور پر ''Bani Barth'' کی ایک ذیلی تنظیم ہے جس کے دنیا بھر میں تقریبا 500000 ممبران ہیں ' لیکن یہ اپنے فنڈ خود اکھٹا کرتی ہے اور کافی حد تک خود مختاری حاصل کر چکی ہے ۔
واشنگٹن کے دو نمائندے American Jewish Committee کے Hyman Bookbindaer اور Anti Defam. League کے Dave Brody جو کہ اپنے اوائل عمر ہی میں ہی خاصے ممتاز تھے ' اب ''AIPAC'' سے گہنا چکے ہیں ۔ واشنگٹن میں جو لابی ہے وہ تو برفانی تودے کی نظر آنے والی چھوٹی سی چوٹی ہے ۔ اس کے اثر ونفوذ کا دارومدار امریکن یہودیوں کے ان دوسو سے زا ئد گروپوں پر ہے جو انہوں نے قومی پیمانے پر قائم کر رکھے ہیں ۔''AIPAC'' کے ایک ذمہ دار اسٹاف کا کہنا ہے کہ میرے خیال میں تقریبا ۲۰کاکھ یہودی سیاسی یا فلاحی طور سے دلچسپی لیتے ہیں ' بقیہ ۴۰ لاکھ نہیں ۔ ان بیس لاکھ میں سے بھی اکثریت کا تعلق کسی حد تک رقم دینے سے ہوگا ۔
دراصل وہ لوگ جو امریکہ میں یہودیوں کی تمام تحریکات میں حصہ لیتے ہوں گے وہ اغلبا 250000 سے زیادہ نہ ہوں گے ۔اس لابی کا مقبول ترین نیوز لیٹر بنام ''Near East Report'' تقریبا ساٹھ ہزار افراد کو بھیجا جاتا ہے ۔اس تنظیم کے خیال میں تمام امریکی شہریوں کو جن کی کسی بھی قسم کی ذمہ داری ہے ' اسرائیل نواز سیاسی مفادات کی حفاظت کرنی چاہیے ۔ وہ ''AIPAC'' میں دلچسپی رکھتے ہوں یا ''Bnai Narth '' امریکن جیوش کمیٹی ' انٹی ڈی فیمیشن لیگ ' جیوش نیشنل فنڈ ' متحدہ جیوش اپیل یا اورکوئی بھی قومی گروپ ہو وہ اس کو پڑھتے ہیں ۔ یہ نیوز لیٹر اعزازی طور پر تمام ذریع ابلاغ ' کانگریس اراکین ' اہم سرکاری عہدیداروں اور دسرے خارجہ پالیسی میں ممتاز افراد کو بھیجا جاتا ہے ۔''AIPAC''کے ممبران کو یہ نیوز لیٹر ان کے 35ڈالر چندہ کے عوض بھجوایا جاتا ہے ۔
عملی طور پر تمام گروپ اسرائیلی حکومت کے اعزازی نمائندوں کے طور پر کام کرتے ہیں ۔یہ اس بات سے بھی ثابت ہوتا ہے کہ ۱۹۸۱ ء میں جب کہ عراق کے ایٹمی ری ایکٹر کو اسرائیل نے بمبای سے تباہ کیا تو ''AIPAC'' نے وہ سرکاری اعلان ڈرافٹ کرنے میں مدد کی جس میں اس حملے کا دفاع کیا گیا تھا ۔ یہ اعلامیہ امریکی حکومت اور اسرائیلی سفارت خانے کی طرف سے بیک وقت جاری کیا گیا ۔
یہودیوں کی کوئی بھی قابل ذکر تنظیم اعلانیہ طور پر کسی ایسے مسئلے کی مخالفت نہیں کرتی جو اسرائیل کی حکومتی پالیسی کے مطابق ہو ۔ تھامس ۔ اے ۔ڈائن ایکزیکٹو ڈائریکٹر [''AIPAC''] پہلے تو ستمبر ۱۹۸۲ء میں صدر ریگن کے امن پلان کے بارے میں رطب اللسان تھا لیکن جوں ہی اسرائیل حکومت نے اسے مسترد کیا وہ منہ میں گھنگھنیاں ڈاال کر بیٹھ گیا ۔
اس قدر ہم آہنگی بعض دفعہ حکومتی سطح پر مزاح کا باعث بنتی ہے ۔ اسٹیٹ ڈپارٹمنٹ میں ہم لوگ یہ پیش گوئی کیا کرتے تھے کہ'' اگر اسرائیلی وزیراعظم یہ اعلان کردے کہ زمیں چپٹی ہے تو امریکن کانگریس چوبیس گھنٹے کے اندر اندر ایک مبارک باد کا ریزویشن پاس کردے گی ''۔ یہ الفاظ سوڈان کے سابقہ سفیر اور سفارتی اہل کار کارڈان برگس کے تھے ۔
یہودی تنظیموں کے لیے واشنگٹن میں لابی کرنا ایک بے حد سنجیدہ کام ہے ۔ ان کا اب اپنی سیاسی رہنمائی کے لیے ''AIPAC'' پر انحصار روز افزوں ترقی کررہا ہے ۔ واشنگٹن پوسٹ اخبار کے ڈپٹی ایڈیٹر Stephin S. Rosenfeld کے بقول ''AIPAC'' اب واضح طور پر امریکہ میں ایک اہم ترین یہودی سیاسی قوت ہے ۔
''AIPAC'' کے منشورمیں ا س کا مقصد قانون سازی درج ہے لیکن اب یہ ہر اس بات میں اسرائیلی مفادات کا تحفظ کرتی ہے جو اسے اپنے نقطۂ نظر سے امریکی ذرایع ابلاغ میں ' مذہبی محاذ پر یا امریکی کالج کیمپسوں میں الغرض ہر جگہ اسرائیل مخالف نظر آئے ۔چونکہ ''AIPAC'' کے ملازمین کو تنخوہ امریکن لوگوں کے جمع شدہ چندوں سے دی جاتی ہے اس لیے اسے غیر ملکی رجسٹریشن ایکٹ کے ماتحت رجسٹر کرانے کی ضرورت نہیں ' لیکن کام وہ غیر ملکی ایجنٹوں والا کررہے ہوتے ہیں ۔
ان سالہا ئے گذشتہ میں اسرائیل لابی امریکی نظام حکومت میں اچھی طرح گھر کر چکی ہے اور مؤثر ترین گروپ ''AIPAC'' ہے ۔ امریکی صدر کو بھی جب عرب اسرائیل تنازعہ میں کوئی نازک موڑ آجائے تو اس کی طرف رجوع کرنا پڑتا ہے ۔

مکمل تحریر >>>

میڈیا

میں ایک محفل میں شریک تھا بات ہو رہی تھی کہ جب ہم کسی قوم کی کسی چیز کو رواج دیتے ہیں تو اس کے ساتھ پورا سسٹم آتا ہے صرف وہ چیز نہیں ۔ یہ ایک مغربی فلسفی کا نقطہ نظر تھا مثال پیش ہوئی جینز کی، ایک صاحب کہنے لگے ۔آپ جینز پہنتے ہیں اسے پہن کر آپ کو پیشاب آجائےتو آپ کو وہ مخصوص مقام چاہیے جہاں آپ کھڑے ہو کر فارغ ہوں اور اگر رفع حاجت ہے تو کموڈ۔ گویا ایک چیز اپنے ساتھ پورا ماحول بھی لائی ۔علی ہذا القیاس
آج جب میڈیا کے اثرات پر گفتگو دیکھی تو ذہن میں مذکورہ بالا واقعہ تازہ ہو گیا ۔ میں اگر چہ اس فلسفہ سے سو فیصد متفق نہیں لیکن قائل ضرو رہوں ۔
مغرب اس وقت غالب ہے وہاں سے جو چیز آتی ہے وہ اپنے ساتھ وہ مضر اثرات بھی لاتی ہے جو اس معاشرے کا حصہ ہیں ۔
میڈیا کے آنے سے غلغلہ مچا کہ دنیا سمٹ گئی ہے ۔تسلیم ۔۔ لیکن اس سے کیا ہوا ۔۔۔! تہذیب مغرب ہی عام ہوئی ۔ ہماری نظر صرف اخلاقی بگاڑ پر جاتی ہے اور یہ صحیح بھی ہے کہ اصل تو اخلاق ہے ۔لیکن اس سے قطع نظر اگر خالص مغربی نقطہ نظر سے بھی دیکھا جائے تو بھی اس میڈیا کے بے ہنگم پھیلاؤ کے فطری نقصانات ہوئے ہیں ۔مثلا ً انسانی کلچر تباہ ہوا ، زبانیں تباہ ہوئیں ، رسوم رواج ختم ہوگئے ،انسانی تعلقات کے زاویے بدل گئے ۔ یہ سب انسانی زندگی حسن ہے ۔ہر علاقہ اس کی زبان اس کے رسم وروا ج ایک اپنا حسن اور چاشنی رکھتے ہیں افسوس ہم اس سے محروم ہورہے ہیں ۔
اس کے علاوہ اگر ہم ایک پاکستانی اور مسلم ہونے کی حیثیت سے دیکھیں تو معاملہ کچھ یوں ہے کہ دور غلامی میں ہم نے مغرب سے جو چیزیں لیں ۔لانے والے اسے ویسا ہی لائے ابتداء میں کچھ حدود وقیود لیکن بتدریج یہ سب ختم ہوتا گیا اور میڈیا کو بے لگام آزادی دے دی گئی ۔حصول دولت [جو کہ مغرب کا مذہب ہے ۔]کے لیے ہمارا مذہب ،معاشرہ ،کلچر ، رسوم ورواج سب کچھ قربان کیا جارہا ہے ۔ظاہر ہے ہمارا کلچر اور مذہب ومعاشرہ اس کارپوریٹڈ کلچر کی راہ میں رکاوٹ ہے ۔ زیادہ سے زیادہ دولت تو تبھی کمائی جاسکتی ہے جب نوجوانوں کے جذبات کو برانگیختہ کر دیا جائے اور انہیں نہ ختم ہونے والی خواہشات کا اسیر بنا دیا جائے ، ان کی سوچ کو اپنی گرفت میں لے لیا جائے ۔ وہ میڈیا پر جو دیکھے اسے حاصل کرنے کی کوشش کرے قطع نظر اس کے کہ وہ اس کے حق میں نقصان دہ ہے یا فائدہ مند ۔
بحیثیت مسلم ہماری یہ ذمہ داری تھی کہ ہم اس چیز کا صحیح استعمال کرتے ۔ لیکن افسوس سے کہنا پڑتا ہے کہ جن لوگوں کے ہاتھوں میں یہ سب کچھ ہے ان کے ''نام مسلمانوں کی طرح ہونے کے باوجود ''وہ لوگ مغرب سے دو ہاتھ آگے ہیں کیونکہ مغرب کا تو مذہب ہی حصول دولت ہے ۔وہ اپنے نقطہ نظر کے مطابق صحیح بھی ہے اور کامیاب بھی ۔حیرت ہے ہم پر کہ ہم کہاں جا رہے ہیں ۔

مجھے کسی حکومت یا کسی مقتدر ہستی سے خیر کی توقع نہیں ۔میں سمجھتا ہوں کہ یہ میری اور آپ کی ذمہ داری ہے کہ اس حوالے سے جو ہو سکے کریں ۔ تہذیبوں کا تصادم جاری ہے سوال یہ ہے کہ میں کس طرف کھڑا ہوں ۔

مکمل تحریر >>>

موجودہ حالات اور موجودہ حکومت

یہ بات تو ٹھیک ہے کہ موجودہ حالات موجودہ حکومت کے پیدا کردہ نہیں ہیں لیکن یہ بات اتنی ہی غلط ہے کہ موجودہ حکومت اسے برقرار رکھنے کی ذمہ دار نہیں ۔ موجودہ حکومت کو تقریبا آدھ سال مکمل ہونے کو آرہا ہے لیکن کہیں سے نظر نہیں آتا کہ یہ حکومت نئی ہے بلکہ یوں محسوس ہوتا ہے کہ مسٹر پرویز مشرف ہی کہیں چھپے بیٹھےاسے کمان کررہے ہیں ۔

بادی النظر میں بھی جوکچھ ہمیں نظر آرہا ہے وہ انتہائی روح فرسا ہے پورا پاکستان سلگ رہا ہے صرف جنگ اور خود کش

حملوں کی آگ سے نہیں بلکہ مہنگائی ، بدامنی اور ناانصافی کی آگ سے بھی وزیرستان اور دیر میں اگر بچے اپنوں اور غیروں کی بمباری سے ہلاک ہورہے ہیں تو یہاں بھوک سے بلکتے بچوں کی مائیں خود کشیاں کررہی ہیں ۔

لیکن موجودہ حکومت ۔۔۔۔۔۔ آہ ۔۔۔۔۔۔۔۔۔۔۔ بھلا جب سارہ پالن کا ہاتھ ہاتھ میں ہو تو کس کافر کو چیختا پکارتاپاکستان یاد آئے گا ۔ حقیقت یہ ہے موجودہ دورہ حکومت میں حالات بگڑے ہی ہیں اور قوم سے اس بڑا مذاق اور کیا ہوگا کہ عوام پر گرنے والے ہر بم کو سابقہ حکومت کی کارستانی قرار دے دیا جائے۔ (بقیہ) ہ

مکمل تحریر >>>

خداحافظ

ليجيے ایک اور آمر وقت کا وقت پورا ہوا ۔۔۔۔۔۔۔۔۔۔۔۔۔

ہمارے صدرمحترم نے ملک وقوم کی خاطر ایک اور انقلابی قدم اٹھاتے ہوئےصرف عوام کی خاطر اور اس ملک پاکستان کی فلاح وبہبود اور ترقی کی خاطر ہماری جان چھوڑنے کا فیصلہ کرلیا ہے ۔

حسبِ سابق اس دفعہ بھی پوری قوم نے اسی طرح جشن منایا جس طرح اس نے آٹھ سال قبل نوازشریف کی برطرفی کے موقع پر منایا تھا ، ہاں البتہ اس مرتبہ فرق صرف یہ ہے کہ میاں نوازشریف بھی اس جشن میں شامل ہیں ۔

مجھے اس واقعہ پر خوشی تو ہے کیونکہ میں بھی تو آخر پاکستانی ہوں لیکن اس کے ساتھ ساتھ میں کچھ پریشان بھی ہوں شاید اس لیے کہ میرا دماغ قومی دماغ سے کچھ زیادہ گھومنے لگ گیا ہے ۔مجھے پریشانی آئندہ کے منظر نامے پر ہے کہ اب کیا ہوگا ۔آیا دوبارہ جمہوریت اور آمریت کے دو پاٹوں میں پستے رہیں گے یا ہمارا یعنی وقوم کا کچھ بھلا بھی ہوگا۔۔۔۔۔

صدرصاحب بلکہ سابق صدر صاحب پرویز مشرف صاحب اپنے انجام کو پہنچے ۔۔۔۔۔ لیکن ابھی بہت کچھ ہونا باقی ہے ۔۔۔۔۔۔ آپ کو معلوم ہے کہ اب سب سے بڑا مسئلہ موجودہ حکومت کے لیے ان کی حفاظت کا ہے ۔ ویسے عجیب بات ہے کہ پہلے یہ حکومت ان کے نہ جانے پر پریشان تھی اب ان کے جانے پر پریشان ہے ۔ میں اپنے ناقص مطالعے اور تجربے کی روشنی کہ سکتاہوں کہ ان کا انجام بھی ان کے پیش رؤوں سے کچھ اچھا نہ ہو گا ۔ تاریخ پر نگاہ دوڑائیے اس ملک اور اس ملت سے بے وفائی اور غداری کرنے والوں کا کیا انجام ہوا مثلاً مجیب الرحمن ، ذوالفقار علی بھٹو(اپنی تمام تر خوبیوں کے باوجود)۔

بہر حال جو ہوا اللہ کی مشیت سے ہوا اور جو ہوگا اسی کے ھکم سے ہوگا ۔

لیکن پھر وہی کہ قوم کا کیا ہو گا ۔۔۔۔۔۔۔۔۔۔۔۔۔۔۔۔۔؟

کسی مشہور مغربی مفکر کا قول ہےکہ بری جمہوریت کا حل اچھی جمہوریت ہے نہ کہ آمریت۔

لیکن پاکستان کے لیے یہ اچھی جمہوریت کسی عنقا سے کم نہیں ساٹھ سال سے زائد کا عرصہ ۔۔۔۔۔ پانچ دس آمریتیں اور پانچ دس جمہوریتوں کا ذائقہ چکھنے کے باوجود پوری قوم ہنوز اچھی جمہوریت سے اسی طرح نابلد ہے جتنی وہ پہلے دن تھی ۔۔

سوال یہ ہے کہ اچھی جمہوریت کیا ہےاور وہ کب آئے گی ۔۔۔۔۔۔۔۔۔۔۔۔۔۔۔۔۔؟

میرا یہ سوال نوجوانوں سے ہے ۔ کیوں کہ پاکستان کو آزاد ہوئے چالیس سال سے زائد ہو گئے ہیں اور اس عرصے میں قوم کی ذمہ داری دوسری نسل پر آپڑتی ہےپچھلے لوگوں نے جو کیا سو کیا ۔۔۔۔۔ اب جو کرنا ہے وہ ہمیں کرنا ہے ۔۔۔۔۔۔

مکمل تحریر >>>

اقوال زریں

محترم دوستو

السلام علیکم ورحمۃ اللہ وبرکاتہ

تاخیر سے آمد پر معذرت!

کچھ عرصے قبل میں نے اپنے ریکارڈ میں تابعین رضی اللہ عنہم اجمعین کے کچھ خوبصورت اقوال پائے میں نے سوچا آپ کو بھی ان پرحکمت اقول سے استفادے میں شریک کرلیا جائے ۔

نیکی کو پھیلانا بھی بہت بڑی نیکی ہے بلکہ اصل نیکی یہی ہے سو آپ کے اس طرح کا پرحکمت مواد ہو تو اس میں ہمیں ضرور شریک کریں ۔

مکمل تحریر >>>

خوشی

خوشی ، مسرت ، آسانی ، سہولت اور اس طرح کے کئی الفاظ ہیں جن کا پیچھا کرنے انہیں حاصل کرنے اور اسے اپنے قبضے میں رکھنے کے لیے ہم لوگ مسلسل شب وروز مصروفِ عمل رہتے ہیں ۔ لیکن حیرت ہے کہ ہر شخص ان چیزوں کی کمی یا نا ہونے کا شکوہ کرتا دکھا ئی دیتا ہے
سوال یہ کہ اتنی زیادہ جدوجہد کے باوجود ان کا حصول ممکن کیوں نہیں ہوتا ۔۔۔۔۔۔۔ ؟ یہاں تک کہ انسان اسی بے چینی ، حسرت ویاس کے عالم میں اس جہان سے کوچ کر جاتا ہے ۔
دراصل یہاں مسئلہ خوشی کا نہیں بلکہ تصوّر خوشی کا ہے ۔ خوشی اور مسرت کی حقیقت اس سے بالکل جدا ہے کہ جسے لوگ خوشی سمجھے بیٹھے ہیں ۔
اس کی مثال ہم یوں لے سکتے ہیں کہ کہ کوئی آگ کو برف سمجھ کر اس سے ٹھنڈک حاصل کرنا چاہے تو آگ اسے جلائے گی ہی ۔۔۔! نہ کہ ٹھنڈک دے گی ۔ اور دنیا اسے پاگل سجھے گی ۔
خوشی کا معاملہ تو سراسر روحانی ہے اور ہم نے مادی فوائد کو خوشی کا نام دے رکھا ہے ۔ ہم اپنے اس تصور سے خوش ہوتے بھی ہیں لیکن ہمارے چہروں سے بے اطمینانی چھلک رہی ہوتی ہے ۔ کیونکہ کسی مادی سبب سے ہم مسکرا اور ہنس تو لیتے ہیں لیکن ہماری یہ ہنسی اور مسکراہٹ فقط اس چیز کا ردعمل ہوتی ہے جو کہ ہمارے سامنے ہے یا جس کے تصور میں ہم کھوئے ہوئے ہیں جیسے ہی وہ وجۂ مسکراہٹ ختم ہوتی ہے ہمیں دوبارہ بے اطمینانی اور بےکیفی کی کیفیت ڈھانپ لیتی ہے ۔
خوشی کیا ہے ۔۔۔۔۔۔ ! ایک احساس ہے ۔
ایک ایسا احساس جو آدمی میں ایسی کیفیات رونما کرتا ہے کہ جس کے سبب وہ خود کو ہر قسم کے ذہنی دباؤ سے آزاد سمجھتا ہے ۔
اس طرح یہ کیفیات جس عمل سے رونما ہوں وہ حصولِ خوشی کا ذریعہ سمجھی جاتی ہیں ۔ چاہے ان سے یہ کیفیت عارضی طور پر رونما ہو یا مستقل طور پر ۔
اب خود بتائیے کہ کون عارضی طور پر خوش رہنا چاہتا ہے۔۔۔۔۔۔۔ ۔! تمام عالم دائمی خوشی کے نسخے تلاش کرتا پھر رہا ہے اور دنیا ایسے عطائیوں کے پیچھے بھا گ رہی ہے جو عارضی مسرتوں کے حصول کے طریقوں کو دائمی مسرت کا لیبل لگا کر فروخت کر رہے ہیں ۔
( جاری )

مکمل تحریر >>>

حقیقی مسئلہ۔۔۔۔۔۔ ؟

آپ کا حقیقی مسئلہ کیا ہے۔۔۔۔۔ ؟ اس بات کے جواب میں ہر شخص ایک دفتر کھول کر بیٹھ جائے گا کہ ''حضرت ایک ہو تو بتائوں ۔ یہاں تو آوے کا آوا ہی الٹ ہے''او

اس سوال کے کئی پہلو ہوسکتے ہیں ۔ مذکورہ بالاجواب دینے والےکے بارے میں یہ رائے قائم کی جائے گی کہ قوم اور ملت اس کے نزدیک ثانوی چیز ہے اس کے نزدیک اولیت اپنی ذات کو حاصل ہے۔

یہ بات عوام کاالانعام تک محدود ہو تو برداشت بھی کی جاسکتی ہے لیکن جب یہ خواص کا وتیرہ بن جائے تو اس قوم کا ہر شخص اور من حیث المجموع وہ قوم مجموعۂ مسائل بن کر رہ جاتی ہے ۔

قوم اجتماع کا نام ہے جبکہ مذکورہ بالا سوچ افتراق کی علامت ہے ۔اب آپ خود اندازہ لگا لیں کہ ہم من حیث القوم کہاں پر کھڑے ہیں ۔

ہمارے اخص الخواص ،اس ملک کے اعلیٰ ترین عہدوں پر فائز رہنے اور خوب نفع سمیٹنے کے بعد ملک میں رہنا پسند نہیں کرتے ۔ہمارے لیڈرانِ قوم اپنے مسائل کی وجہ سے مصلحتوں کا شکار ہو جاتے ہیں ۔صدر سے لیکر یوسی ناظم تک سب اپنا الو سیدھا کرنے میں لگے ہوئے ہیں ۔

سوال یہ کہ قوم کہاں ہے ؟ ہمیں تو یہاں فقط افراد کا کچھ مجموعہ نظر آرہا ہے ۔

(جاری)

مکمل تحریر >>>

جمہوریت

اس وقت اس ملک میں جو کچھ ہو رہا ہے جمہوریت کی وجہ سے ہورہا ہے ۔ ہر کام کی تہہ میں جمہوریت کار فرما نظر آتی ہے ۔ قاتل کو اب قاتل جمہوریت کہا جاتا ہے جبکہ شہید اب شید جمہورت کہلائے جاتے ہیں عدلیہ کی بحالی جمہوریت کے ذریعے ہوگی ، عدلیہ کی قاتل جمہوریت ہے ۔جمہورت کے آنے سے چیزیں سستی ہوں گی ، جمہوریت کے بعد چیزیں مہنگی ہو رہی ہیں ،نقلی جمہوریت ، اصلی جمہوریت ،غلام جمہوریت ، آزاد جمہوریت جبکہ اقبال نے کہا تھا کہ
جمہوریت اک طرز حکومت ہے کہ جس میں
بندوں کو گنا جاتا ہے تولا نہیں جا تا
جمہوریت کی آواز میں اب بھی کچھ دم خم نظر آتا ہے لیکن یہ بالکل ایسا ہی ہے کہ جیسے آدمی موت سے پہلے زندگی کے لیے جدوجہد کرے ۔ تاریخ پاکستان ہمارے سامنے ہے پری تاریخ میں ہمیں کہیں جمہوریت کا فائدہ نظر نہیں آیا اور اگر ہمیں آج کل اگر کہیںسے فائدہ مل جاتا ہےتو وہ جمہوریت کا فائدہ نہیں بلکہ آمریت کی انتہائی قبیح صورت کے مقابلے میں کچھ قابل برداشت نظر آتا ہے ۔

مکمل تحریر >>>

گھر

ایک مستحکم معاشرے اجتماعیت کے دائرے میں گھر وہ بنیادی اکائی ہے کہ جو معاشرے کے استحکام کی اساس ہے لہذا جس معاشرے میں یہ بنیادی اکائی جس قدر مضبوط اور مستحکم ہو گی وہ تمدنی زوال کے باوجود اپنے بکھرے وجود کو سمیٹنے میں بہت جلد کامیاب ہو سکتا ہے ۔ تنزل اور زوال کے باوجود اس معاشرے میں اقدار کی بالادستی اور ان کا احترام قائم ہو گا ۔ اخلاقیات کے اصولوں کی پاسداری کی جاتی رہے گی اور معاشرے میں قلبی سکون اور ٹھراؤ کی کیفیت رہے گی ۔

اس سارے پس منظر میں گھر وہ مقام ہے کہ جو سب سے زیادہ توجہ چاہتا ہے جو سب سے زیادہ وقت اور ذہن کا بڑا حصہ اپنے لیے وقف کر دینے کا مطالبہ کرتا ہے ۔ ایک گھر کا نظام درحقیقت کسی ریاست کے نظام سے کسی حیثیت سے بھی کمتر نہیں۔

اسلام کی یہ خصوصیت ہے کہ وہ زندگی کے بنیادی اور اہم مسائل کو فقط چند اصول بتا کر حل کر دیتاہے ۔ سیاسیات ،معاشیات معاشرت اور دیگرپہلؤوں کے بارے میں قرآن نے چند اصول بتا دیے ہیں ۔

بہت سے بڑے اور اہم معاملات کا حل اسلام نے فقط حیثیات کے معیار کو بتلا کر نکال دیا ہے ۔ ہم آج بھی اگر قرآن کے اس اصول کو اپنے پیش نظر رکھیں تو زندگی کے بیشتر مسائل کا حل ہمیں بآسانی مل سکتا ہے ۔

مکمل تحریر >>>