صدائے دل

یوم عرفات

2011-11-06T07:41:00.000-08:00

وقوف عرفات حج کا رکن اعظم ہے ۔ اور اس دن پوری دنیا کے مسلمانوں کی توجہ کا مرکز میدان عرفات اور اس میں دیا جانے والا خطبہ ہے ۔ اس دفعہ 25 لاکھ حجاج حج کی سعادت حاصل کررہے ہیں ۔

خاص بات یہ ہے اس موقع پر دیا جانے والا خطبہ امت کے مسائل کاترجمان بھی ہے اور امت کے لیے ایک بھرپور پیغام بھی ۔

ہم مختلف مقامات پر دیا جانے والا اس کے خلاصے کو یہاں پیش کررہے ہیں ۔

انہوں نے فرمایا :

عالم اسلام مشکلات سے دوچار ہے، فتنوں اور مصیبتوں سے بھاگنا نہیں بلکہ ان کا مقابلہ کرنا ہے۔ ہدایت کے بعد گمراہی کی طرف جانا گناہ عظیم ہے،درپیش مسائل کے حل کیلئے مسلمانوں کو ملکر کام کرنا ہوگا۔ عرفات کے میدان میں خطبہ حج دیتے ہوئے مفتی اعظم کا کہنا تھاکہ مسلمانوں اللہ تعالی سے پکی اور سچی توبہ کرلو،بہت خوش نصیب ہو جو آج اللہ کی بارگاہ میں حاجی بن کر موجود ہو، ہر انسان کی موت کا وقت قریب آنے والا ہے،اس دن کو یاد کرو جب جنت اور جہنم کا فیصلہ ہوگا، اے مسلمانوں عدل و انصاف کو اپنے سے دور نہ ہونے دینا،مفتی اعظم نے کہا کہ علمائے کرام اپنی ذمہ داری بخوبی انجام دیں،غیر مسلموں کو اسلام کی دعوت دینے کیلئے حکمت سے کام لیں، تمام ٹی وی چینلز حق اور سچ کی بات کریں، اللہ اور رسول کی رضا میں ہی ہماری رضا ہونی چاہیئے، ہمیں سمجھنا چاہیئے کہ ہم ایک آدم کی اولاد ہیں، جو اللہ کے احکامات کے تابع نہیں ہوگا،خسارے میں رہے گا،اے ایمان والو،اللہ کے احکامات کو مضبوطی سے تھام لو،کسی پر ظلم نہ کرو،کسی سے زیادتی نہ کرو،عورتوں کی عزت کرو،بے ہودگی سے پیش نہ آ،خود کو اور اپنے گھر والوں کو جہنم کی آگ سے بچائو۔
مفتی اعظم نے کہا کہ اسلام مکمل ضابطہ حیات ہے،اس میں تمام مسائل کا حل ہے،ہمیں چاہیئے کہ نیک عمل کریں اور اللہ کی بندگی اختیار کرلیں، بنیادی زندگی ختم ہونیوالی ہے،آخرت کی تیاری کرنی چاہیئے، حج سے مسلمانوں کے تمام گناہ معاف ہوجاتے ہیں،قرآن پاک تمام کتابوں کی تصدیق کرتا ہے، تمہیں اللہ کی طرف لوٹ کر جانا ہے،اللہ سے ڈرو اور تمام معاملات میں اسی سے رجوع کرو، دین کو ہدایت بنا کر بھیجا گیا ہے،تمہارا جینا تمہارا مرنا اللہ کیلئے ہے۔
انہوں نے کہا کہ سیاست دان امت مسلمہ اور اپنی قوم کے وسیع تر مفاد میں ایک دوسرے سے تعاون کرین۔ اسلام کسی بھی قسم کی دہشتگردی کی اجازت نہیں دیتا فساد پھیلانے والوں کیلئے اسلام میں سزائیں مقرر ہیں اسلام میں کسی کو ناحق قتل کرنا منع ہے شریعت کے نفاذ سے ہی تمام معاشرتی برائیوں کا خاتمہ ممکن ہے اسلام انفرادی اور اجتماعی زندگی میں اخلاقیات کو ترجیح دیتا ہے عالمی میڈیا اسلام کا تاثر خراب کرنے کے درپے ہے مسلمانوں کے عقائد بگاڑنے کیلئے دشمن میڈیا کا سہارا لے رہے ہیں فحاشی اورر عریانی عروج پر ہے تاجر گراں فروشی کم کریں کاروباری حضرات سود سے پاک معیشیت کی تشکیل میں کردار ادا کریں مسلمان تعلیم حاصل کرنے پر توجہ دیں، جدید ٹیکنالوجی بھی حاصل کی جائے لیکن دائرہ اسلام میں رہتے ہوئے احکامات خداوندی کی ذرا بھی خلاف ورزی ہوئی تو تمام تر کوششوں کا کوئی فائدہ نہیں ہوگا نوجوان کسی بھی معاشرے کا اہم حصہ ہوتے ہیں۔

یہاں سے اس خطبے کو سنا بھی جاسکتا ہے ۔

ریڈیو سعودی عرب شعبہ اردو

مور ۔۔۔ پھولوں بھرا

2011-11-06T07:30:00.000-08:00

اس تصویر ہر کیا تبصرہ کیا جائے بس دیکھیے اور سر دھنیے ۔

شب قدر

2011-08-25T06:42:00.000-07:00

رمضان المبارک اپنی تمام سعادتوں کو سمیٹتا ہوا رخصت ہونے کو ہے ۔ اور جاتے جاتے شب قدر کا عظیم تحفہ دیتے ہوئے جارہا ہے ۔ کون ہے جو اس تحفے کی قدر کرے ۔

شب قدر کو ہزار مہینوں سے افضل قرار دیا گیا ۔ [لیلۃ القدر خیر من الف شھر ]

آئیے ۔۔۔۔۔۔۔۔۔ اپنے رب کے حضور اپنے گناہوں پر نادم ہوں ۔ توبہ کریں ۔ کہ اس ذات باری تعالیٰ کا حکم ہے ۔ توبوا الی اللہ توبۃ نصوحا ۔

آئیے ۔۔۔۔۔۔ اپنے رب کے حضور دعاکریں ۔کہ

زہر امروز کو شیرینیٔ فردا کردے

وہ جنہیں تاب گراں باریٔ ایام نہیں

ان کی پلکوں پہ شب وروز کو ہلکا کردے

آئیے ۔۔۔۔۔۔۔۔۔ عہد کریں ۔۔۔۔ کہ ہم اس امت کے لیے خیر کا باعث ہوں ۔

یااللہ ۔۔۔۔۔ یارب العالمین ۔۔۔۔۔ ہمیں بخش دے ۔۔۔۔ ہم سے درگزر فرما ۔۔۔۔۔۔۔۔۔ ہم میں محبت و الفت پیدا فرما ۔۔۔۔۔۔ نفرت کو دور فرما ۔۔۔۔۔۔ بغض اور کینے سے نجات دے ۔۔۔۔ تعصبات سے ہمیں دور رکھ ۔۔۔۔۔۔۔۔ اس ملک وملت کی حفاظت فرما ۔۔۔۔۔۔ ہم پر اپنا رحم وکرم فرما ۔۔۔۔۔۔۔ آمین یا رب العالمین ۔

رمضان المبارک 1432 بمطابق اگست 2011

2011-08-15T03:59:00.000-07:00

نبی اکرم ﷺ منبر پر چڑھنے لگے اور ہر زینہ پر آمین فرمایا

صحابہ نے حیرت سے دریافت کیا

یارسول اللہ کس بات پر آمین فرمایا گیا

آپ ﷺ نے جواب دیا

جبرئیل امین آئے تھے اور انہوں نے تین بددعائیں کیں

میں نے ان پر آمین کیا

انہیں میں سے ایک بددعا یہ تھی کہ

ہلاک ہووہ شخص جس کو رمضان المبارک کا مہینہ ملے اور وہ اپنی بخشش نہ کرا سکے ۔

ایک مرتبہ پھر رمضان المبارک کا سعادتوں بھرا ماہ بڑی تیزی سے ہم پر سایہ کرتے ہوئے گذر رہا ہے ۔ بہت باسعادت اور لائق رشک ہیں وہ لوگ جو اس سے اپنی مغفرت کے حصول کا سامان کررہے ہیں ۔

مغرب کی جنگ

2011-01-03T21:00:00.000-08:00

محترم نبیل صاحب کا شکریہ

2011-01-03T05:55:00.000-08:00

ہم بلاگ کے میدان میں اناڑی ہیں سو اس کا نقصان یہ اٹھاتے ہیں کہ اسے شروع کرنے کے بعد منہ موڑ لیتے ہیں ۔ محرم نبیل صاحب کا شکریہ کہ انہوں نے اپنے بلاگ پر ایک بہترین ٹیوٹوریل رکھ چھوڑا ہے ۔پہلے بھی اس کی وجہ سے ہمت بندھی تھی اور اب بہت عرصے بعد شاید دوسال بعد بھی انہیں کے اس بلاگ نے کمر ہمت باندھنے پر مجبور کردیا ۔ محترم نبیل صاحب تک تو شاید یہ الفاظ پہنچیں یا نا پہنچیں ۔۔۔ جن تک پہنچ رہے ہیں اور ان کو کوئی پریشانی ہے تو نبیل صاحب کے اس بلاگ کا مطالعہ کر لے ان شاء اللہ کسی قدر افاقہ ہوگا

http://simunaqv.blogspot.com/2010/06/blog-post_22.html

ٹیمپلیٹس پیش کرنے کے بعد انہوں نے اسے برتنے کا طریقہ کار بھی بتلا دیا ہے ۔ جو کہ آخر میں ہے ۔۔

دعا ہے کہ اللہ تعالی اس سلسلے کو جاری رکھے ۔

اٰمین

Astaghfirullah! by Mishary Al-Afasy أستغفر الله لمشاري العفاسي

2010-08-19T02:58:00.000-07:00

Translated - Du'a for Gaza, Mishary Al 'Afasy

2010-08-19T02:37:00.000-07:00

Powerful child recitation of Coran

2010-07-28T21:47:00.000-07:00

Be Careful before buying Anything (Must Watch) « ZemTv.Com.mp4

2010-07-22T08:21:00.000-07:00

کیا آپ کو بھی یہ پریشانی ہے ۔۔۔؟

2008-12-20T04:01:00.000-08:00

ایک تازہ خبر ۔۔۔ لیکن اس پہلے ذرا میری پریشانی ملاحظہ فرمائیں ۔
واقعہ کچھ یوں ہے کہ میں نے بڑی توجہ اور انہماک سے اردو مجلس کو کھولا اور 16 دسمبر کے حوالے سے کچھ تحریر کرنے کا ارادہ کیا ۔ تھریڈ بنایا اور لکھنا شروع کیا ابھی ابتداء ہی کرپایا تھا کہ کمپیوٹر میں جان نہ رہی معلوم ہوا کہ بجلی داغ مفارقت دے گئی ہے ۔ خیر ۔۔۔۔۔ فیز تبدیل کیا [الحمدللہ ہمیں یہ سہولت دستیاب ہے ۔]اور دوبارہ سے کمپیوٹر کو اسٹارٹ کیا اور اس فیز سے بھی ابھی بمشکل پانچ منٹ استفادہ کرپایا تھا کہ یہ بھی ساتھ نہ نبھا سکا ۔ میں غصے اور بے بسی کے عالم اٹھ گیا اور دوبارہ کوشش نہ کی ۔مجھے یہ پریشانی ہوتی رہتی ہے ۔ اس لیے بعض اوقات سہولت ہوتے ہوئے بھی کمپیوٹر کے سامنے بیٹھتے ہوئے جھنجھلاہٹ ہوتی ہے ۔کہ کہیں ایسا نہ ہو کہ محنت ضایع نہ ہوجائے یا پھر وقت ضایع نہ ہو ۔
اور اب خبر ۔۔۔۔ وفاقی وزیر پانی وبجلی [نام مجھے یاد نہیں ]نے اعلان کیا ہے کہ بجلی کی یہ کیفیت آئندہ سال تک جاری رہے گی ۔
یہ بات یقینی ہو تو شاید صبر بھی آجائے ۔لیکن اس طرح کے وعدے پچھلے وزاء بھی کروا چکے ہیں ۔تو اعتبار کیسے کیا جائے ۔سو ہم اس تمام صورتحال کو پی جاتے ہیں ۔ گویا
رنج سے خوگر ہوا انساں تو مٹ جاتا ہے رنج
مشکلیں مجھ پر پڑیں اتنی کہ آساں ہو گئیں
ویسے میرا اس موضوع پر اس لیے لکھا کہ ایک دوسرے کی ڈھارس بندھائی جاسکے ۔یا پھر جو اس بھی مشکل صوتحال سے دوچار ہو تو ہم اسے دیکھ کر اپنی حالت پر شکر ادا کریں ۔کیا آپ کو بھی یہ مشکل درپیش ہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔؟

شکنجہ یہود

2008-12-18T04:18:00.000-08:00

یہودی کسطرح امریکہ پر کنٹرول کیے ہوئے ہیں پال فنڈلے کی اس کتاب سے معلوم ہوتا ہے ۔ پال فنڈلے سابق امریکی سینیٹر ہیں اور حکومتی ایوانوں میں یہودی اثرورسوخ کے بارے میں خوب خبر رکھتے ہیں ۔ ان کی اس کتاب کے ایک حصہ پیش خدمت ہے ۔ (اس کتاب کا اردو ترجمہ محترم سعید رومی صاحب نے کیا ہے ۔)

شکنجۂ یہود
شاہِ دماوند
واشنگٹن مخفف ناموں کے لیے شہرت ررکھتا ہے اور کانگریس میں ''AIPAC'' سب سے زیادہ مشہور ہے ۔ اس کا ذکر ہی ان لوگوں کو چونکا دینے اور متوجہ کرنے کے لیے کافی ہوتا ہے جو کہ کیپیٹل ہل پر مشرق وسطیٰ کی پالیسی سے تعلق رکھتے ہیں ۔ ''AIPAC'' یعنی امریکن اسرائیل پبلک افیئرز کمیٹی اب واشنگٹن میں اہم ترین لابی ہے ۔
۱۹۲۷ ء میں جبکہ مین چوتھی مرتبہ منتخب ہو کر کا نگریس کا ممبر تھا تو مجھے '' فارن افیئر ز کمیٹی '' مین نامز کیا گیا ۔ وقت میں اس کا نام بھی نہ سنا تھا ۔ ایک دن میں نے کمیٹی روم میں ذاتی گفتگو کے دوران اسرائیل کے شام پر حملے کو نامناسب کہا ۔ ایک سینیٹر ریپبلیکن ۔۔۔۔۔۔۔ مشی گن کے ولیم ۔ بروم فیلڈ نے مسکراتے ہوئے مجے کہا ''ذرا ''AIPAC'' کے Si Kenan تک تمہاری اس رائے کی خبر پہنچنے دو پھر دیکھنا ۔ ا س کا اشارہ I.L Kenan کی طرف تھا جو ''AIPAC'' کا ایکزیکٹو ڈائریکٹر تھا ۔ مٰن اس کے نام سے بھی اتنا ہی شناسا تھا جتنا کہ اس تنظیم کے نام سے جس کا وہ سربراہ تھا ۔ بعد میں یہ ثابت ہوا کہ بروم فیلڈ ہنسی مذاق نہیں کر رہا تھا ۔ ''AIPAC''کو اس ذاتی گفتگو کی بھی بھنک پہنچ جاتی تھی جو ایک کانگریس ممبر مشرق وسطی کے بارے میں کرے ۔ اسرائیل پر نکتہ چینی کرنے والے سیاسی خطرات کو دعوت دیتے ہیں ۔
''AIPAC'' اسرائیلی لابی کا ایک حصہ ہے لیکن اثر اندازی کے لحاظ سے یہ اہم ترین حصہ ہے ۔ یہ تنظیم پچھلے چند برسوں میں بہت گہرائی اور گیرائی حاصل کرچکی ہے ۔یہ کہنا قطعا مبالغہ آمیز نہ ہوگا کہ مشرق وسطی کے بارے میں یہ تنظیم کیپیٹل ہل کے ہر اہم پہلو پر چھا چکی ہے ۔ ہاؤس اور سینٹ کے ممبران تقریبا بلا استثنا اس کے احکام کی تعمیل کرتے ہیں کیونکہ انہیں معلوم ہے یہ تنظیم کیپیٹل ہل پر ایک ایسی سیاسی قوت کی براہ راست نمائندہ ہے جو ان کءے الیکشن کےوقت ان کے امکانات کو بنا اور بگاڑ سکتی ہے ۔
یہ بات چاہے حقیقت پر مبنی ہو یا فسانے پر لیکن یہ بات اہم ضرور ہے کہ ''AIPAC'' نام ہی ایک قوت ۔۔۔۔۔ یعنی ایک دہشت زدہ کر دینے والی قوت کا ہے ۔ اس کا جو شایع شدہ مواد ملتا ہے اس میں نیویارک ٹائمز اخبار کا یہ جملہ ہمیشہ بطور حوالہ در ج ہوتا ہے کہ یہ تنظیم مضبوط تین ، منظم ترین اور مؤثر ترین گروپ ہے جو واشنگٹن میں خارجہ پالیسی پر اثر انداز ہوتا ہے ۔MccCloskey Paul N. ‘ Pete’’
سابقه كانگريس ممبر نے تو صاف صاف يوں كها هے كه كانگريس پر ''AIPAC''كي دهشت چھائي هوئي هے ۔دوسرے كئي كا نگريس ممبران نے اپنے عوامي بيانات ميں اس قدر صاف گوئي سے كام نهيں ليا ' ليكن ذاتي گفتگو ميں وه اس سے متفق هيں ۔
''AIPAC'' كا يه اثرونفوذ كچھ زياده پراني بات نهيں ' صرف چند سال پيشتر ''Conf. of Presidents of Maj. Jewish Organisations’’ کو واشنگٹن میں سب سے اہم اسرائیل نواز گروپ سمجھا جاتا تھا کیوں کہ یہ ۳۸ مختلف یہودی گروپوں کی نمائندگی کا دعویدار تھا ۔Anti-Defamation League امریکن جیوش کمیٹی اور ''AIPAC'' اس کی حاشیہ بردار تھیں ۔ مؤخر الذکر دو تنظیموں کے الگ الگ 50000 ممبران ہیں ۔انٹی ڈی فیمیشن لیگ تکنیکی طور پر ''Bani Barth'' کی ایک ذیلی تنظیم ہے جس کے دنیا بھر میں تقریبا 500000 ممبران ہیں ' لیکن یہ اپنے فنڈ خود اکھٹا کرتی ہے اور کافی حد تک خود مختاری حاصل کر چکی ہے ۔
واشنگٹن کے دو نمائندے American Jewish Committee کے Hyman Bookbindaer اور Anti Defam. League کے Dave Brody جو کہ اپنے اوائل عمر ہی میں ہی خاصے ممتاز تھے ' اب ''AIPAC'' سے گہنا چکے ہیں ۔ واشنگٹن میں جو لابی ہے وہ تو برفانی تودے کی نظر آنے والی چھوٹی سی چوٹی ہے ۔ اس کے اثر ونفوذ کا دارومدار امریکن یہودیوں کے ان دوسو سے زا ئد گروپوں پر ہے جو انہوں نے قومی پیمانے پر قائم کر رکھے ہیں ۔''AIPAC'' کے ایک ذمہ دار اسٹاف کا کہنا ہے کہ میرے خیال میں تقریبا ۲۰کاکھ یہودی سیاسی یا فلاحی طور سے دلچسپی لیتے ہیں ' بقیہ ۴۰ لاکھ نہیں ۔ ان بیس لاکھ میں سے بھی اکثریت کا تعلق کسی حد تک رقم دینے سے ہوگا ۔
دراصل وہ لوگ جو امریکہ میں یہودیوں کی تمام تحریکات میں حصہ لیتے ہوں گے وہ اغلبا 250000 سے زیادہ نہ ہوں گے ۔اس لابی کا مقبول ترین نیوز لیٹر بنام ''Near East Report'' تقریبا ساٹھ ہزار افراد کو بھیجا جاتا ہے ۔اس تنظیم کے خیال میں تمام امریکی شہریوں کو جن کی کسی بھی قسم کی ذمہ داری ہے ' اسرائیل نواز سیاسی مفادات کی حفاظت کرنی چاہیے ۔ وہ ''AIPAC'' میں دلچسپی رکھتے ہوں یا ''Bnai Narth '' امریکن جیوش کمیٹی ' انٹی ڈی فیمیشن لیگ ' جیوش نیشنل فنڈ ' متحدہ جیوش اپیل یا اورکوئی بھی قومی گروپ ہو وہ اس کو پڑھتے ہیں ۔ یہ نیوز لیٹر اعزازی طور پر تمام ذریع ابلاغ ' کانگریس اراکین ' اہم سرکاری عہدیداروں اور دسرے خارجہ پالیسی میں ممتاز افراد کو بھیجا جاتا ہے ۔''AIPAC''کے ممبران کو یہ نیوز لیٹر ان کے 35ڈالر چندہ کے عوض بھجوایا جاتا ہے ۔
عملی طور پر تمام گروپ اسرائیلی حکومت کے اعزازی نمائندوں کے طور پر کام کرتے ہیں ۔یہ اس بات سے بھی ثابت ہوتا ہے کہ ۱۹۸۱ ء میں جب کہ عراق کے ایٹمی ری ایکٹر کو اسرائیل نے بمبای سے تباہ کیا تو ''AIPAC'' نے وہ سرکاری اعلان ڈرافٹ کرنے میں مدد کی جس میں اس حملے کا دفاع کیا گیا تھا ۔ یہ اعلامیہ امریکی حکومت اور اسرائیلی سفارت خانے کی طرف سے بیک وقت جاری کیا گیا ۔
یہودیوں کی کوئی بھی قابل ذکر تنظیم اعلانیہ طور پر کسی ایسے مسئلے کی مخالفت نہیں کرتی جو اسرائیل کی حکومتی پالیسی کے مطابق ہو ۔ تھامس ۔ اے ۔ڈائن ایکزیکٹو ڈائریکٹر [''AIPAC''] پہلے تو ستمبر ۱۹۸۲ء میں صدر ریگن کے امن پلان کے بارے میں رطب اللسان تھا لیکن جوں ہی اسرائیل حکومت نے اسے مسترد کیا وہ منہ میں گھنگھنیاں ڈاال کر بیٹھ گیا ۔
اس قدر ہم آہنگی بعض دفعہ حکومتی سطح پر مزاح کا باعث بنتی ہے ۔ اسٹیٹ ڈپارٹمنٹ میں ہم لوگ یہ پیش گوئی کیا کرتے تھے کہ'' اگر اسرائیلی وزیراعظم یہ اعلان کردے کہ زمیں چپٹی ہے تو امریکن کانگریس چوبیس گھنٹے کے اندر اندر ایک مبارک باد کا ریزویشن پاس کردے گی ''۔ یہ الفاظ سوڈان کے سابقہ سفیر اور سفارتی اہل کار کارڈان برگس کے تھے ۔
یہودی تنظیموں کے لیے واشنگٹن میں لابی کرنا ایک بے حد سنجیدہ کام ہے ۔ ان کا اب اپنی سیاسی رہنمائی کے لیے ''AIPAC'' پر انحصار روز افزوں ترقی کررہا ہے ۔ واشنگٹن پوسٹ اخبار کے ڈپٹی ایڈیٹر Stephin S. Rosenfeld کے بقول ''AIPAC'' اب واضح طور پر امریکہ میں ایک اہم ترین یہودی سیاسی قوت ہے ۔
''AIPAC'' کے منشورمیں ا س کا مقصد قانون سازی درج ہے لیکن اب یہ ہر اس بات میں اسرائیلی مفادات کا تحفظ کرتی ہے جو اسے اپنے نقطۂ نظر سے امریکی ذرایع ابلاغ میں ' مذہبی محاذ پر یا امریکی کالج کیمپسوں میں الغرض ہر جگہ اسرائیل مخالف نظر آئے ۔چونکہ ''AIPAC'' کے ملازمین کو تنخوہ امریکن لوگوں کے جمع شدہ چندوں سے دی جاتی ہے اس لیے اسے غیر ملکی رجسٹریشن ایکٹ کے ماتحت رجسٹر کرانے کی ضرورت نہیں ' لیکن کام وہ غیر ملکی ایجنٹوں والا کررہے ہوتے ہیں ۔
ان سالہا ئے گذشتہ میں اسرائیل لابی امریکی نظام حکومت میں اچھی طرح گھر کر چکی ہے اور مؤثر ترین گروپ ''AIPAC'' ہے ۔ امریکی صدر کو بھی جب عرب اسرائیل تنازعہ میں کوئی نازک موڑ آجائے تو اس کی طرف رجوع کرنا پڑتا ہے ۔

میڈیا

2008-12-07T12:07:00.000-08:00

میں ایک محفل میں شریک تھا بات ہو رہی تھی کہ جب ہم کسی قوم کی کسی چیز کو رواج دیتے ہیں تو اس کے ساتھ پورا سسٹم آتا ہے صرف وہ چیز نہیں ۔ یہ ایک مغربی فلسفی کا نقطہ نظر تھا مثال پیش ہوئی جینز کی، ایک صاحب کہنے لگے ۔آپ جینز پہنتے ہیں اسے پہن کر آپ کو پیشاب آجائےتو آپ کو وہ مخصوص مقام چاہیے جہاں آپ کھڑے ہو کر فارغ ہوں اور اگر رفع حاجت ہے تو کموڈ۔ گویا ایک چیز اپنے ساتھ پورا ماحول بھی لائی ۔علی ہذا القیاس
آج جب میڈیا کے اثرات پر گفتگو دیکھی تو ذہن میں مذکورہ بالا واقعہ تازہ ہو گیا ۔ میں اگر چہ اس فلسفہ سے سو فیصد متفق نہیں لیکن قائل ضرو رہوں ۔
مغرب اس وقت غالب ہے وہاں سے جو چیز آتی ہے وہ اپنے ساتھ وہ مضر اثرات بھی لاتی ہے جو اس معاشرے کا حصہ ہیں ۔
میڈیا کے آنے سے غلغلہ مچا کہ دنیا سمٹ گئی ہے ۔تسلیم ۔۔ لیکن اس سے کیا ہوا ۔۔۔! تہذیب مغرب ہی عام ہوئی ۔ ہماری نظر صرف اخلاقی بگاڑ پر جاتی ہے اور یہ صحیح بھی ہے کہ اصل تو اخلاق ہے ۔لیکن اس سے قطع نظر اگر خالص مغربی نقطہ نظر سے بھی دیکھا جائے تو بھی اس میڈیا کے بے ہنگم پھیلاؤ کے فطری نقصانات ہوئے ہیں ۔مثلا ً انسانی کلچر تباہ ہوا ، زبانیں تباہ ہوئیں ، رسوم رواج ختم ہوگئے ،انسانی تعلقات کے زاویے بدل گئے ۔ یہ سب انسانی زندگی حسن ہے ۔ہر علاقہ اس کی زبان اس کے رسم وروا ج ایک اپنا حسن اور چاشنی رکھتے ہیں افسوس ہم اس سے محروم ہورہے ہیں ۔
اس کے علاوہ اگر ہم ایک پاکستانی اور مسلم ہونے کی حیثیت سے دیکھیں تو معاملہ کچھ یوں ہے کہ دور غلامی میں ہم نے مغرب سے جو چیزیں لیں ۔لانے والے اسے ویسا ہی لائے ابتداء میں کچھ حدود وقیود لیکن بتدریج یہ سب ختم ہوتا گیا اور میڈیا کو بے لگام آزادی دے دی گئی ۔حصول دولت [جو کہ مغرب کا مذہب ہے ۔]کے لیے ہمارا مذہب ،معاشرہ ،کلچر ، رسوم ورواج سب کچھ قربان کیا جارہا ہے ۔ظاہر ہے ہمارا کلچر اور مذہب ومعاشرہ اس کارپوریٹڈ کلچر کی راہ میں رکاوٹ ہے ۔ زیادہ سے زیادہ دولت تو تبھی کمائی جاسکتی ہے جب نوجوانوں کے جذبات کو برانگیختہ کر دیا جائے اور انہیں نہ ختم ہونے والی خواہشات کا اسیر بنا دیا جائے ، ان کی سوچ کو اپنی گرفت میں لے لیا جائے ۔ وہ میڈیا پر جو دیکھے اسے حاصل کرنے کی کوشش کرے قطع نظر اس کے کہ وہ اس کے حق میں نقصان دہ ہے یا فائدہ مند ۔
بحیثیت مسلم ہماری یہ ذمہ داری تھی کہ ہم اس چیز کا صحیح استعمال کرتے ۔ لیکن افسوس سے کہنا پڑتا ہے کہ جن لوگوں کے ہاتھوں میں یہ سب کچھ ہے ان کے ''نام مسلمانوں کی طرح ہونے کے باوجود ''وہ لوگ مغرب سے دو ہاتھ آگے ہیں کیونکہ مغرب کا تو مذہب ہی حصول دولت ہے ۔وہ اپنے نقطہ نظر کے مطابق صحیح بھی ہے اور کامیاب بھی ۔حیرت ہے ہم پر کہ ہم کہاں جا رہے ہیں ۔

مجھے کسی حکومت یا کسی مقتدر ہستی سے خیر کی توقع نہیں ۔میں سمجھتا ہوں کہ یہ میری اور آپ کی ذمہ داری ہے کہ اس حوالے سے جو ہو سکے کریں ۔ تہذیبوں کا تصادم جاری ہے سوال یہ ہے کہ میں کس طرف کھڑا ہوں ۔

موجودہ حالات اور موجودہ حکومت

2008-10-13T03:20:00.000-07:00

یہ بات تو ٹھیک ہے کہ موجودہ حالات موجودہ حکومت کے پیدا کردہ نہیں ہیں لیکن یہ بات اتنی ہی غلط ہے کہ موجودہ حکومت اسے برقرار رکھنے کی ذمہ دار نہیں ۔ موجودہ حکومت کو تقریبا آدھ سال مکمل ہونے کو آرہا ہے لیکن کہیں سے نظر نہیں آتا کہ یہ حکومت نئی ہے بلکہ یوں محسوس ہوتا ہے کہ مسٹر پرویز مشرف ہی کہیں چھپے بیٹھےاسے کمان کررہے ہیں ۔

بادی النظر میں بھی جوکچھ ہمیں نظر آرہا ہے وہ انتہائی روح فرسا ہے پورا پاکستان سلگ رہا ہے صرف جنگ اور خود کش

حملوں کی آگ سے نہیں بلکہ مہنگائی ، بدامنی اور ناانصافی کی آگ سے بھی وزیرستان اور دیر میں اگر بچے اپنوں اور غیروں کی بمباری سے ہلاک ہورہے ہیں تو یہاں بھوک سے بلکتے بچوں کی مائیں خود کشیاں کررہی ہیں ۔

لیکن موجودہ حکومت ۔۔۔۔۔۔ آہ ۔۔۔۔۔۔۔۔۔۔۔ بھلا جب سارہ پالن کا ہاتھ ہاتھ میں ہو تو کس کافر کو چیختا پکارتاپاکستان یاد آئے گا ۔ حقیقت یہ ہے موجودہ دورہ حکومت میں حالات بگڑے ہی ہیں اور قوم سے اس بڑا مذاق اور کیا ہوگا کہ عوام پر گرنے والے ہر بم کو سابقہ حکومت کی کارستانی قرار دے دیا جائے۔ (بقیہ) ہ

خداحافظ

2008-08-18T04:47:00.000-07:00

ليجيے ایک اور آمر وقت کا وقت پورا ہوا ۔۔۔۔۔۔۔۔۔۔۔۔۔

ہمارے صدرمحترم نے ملک وقوم کی خاطر ایک اور انقلابی قدم اٹھاتے ہوئےصرف عوام کی خاطر اور اس ملک پاکستان کی فلاح وبہبود اور ترقی کی خاطر ہماری جان چھوڑنے کا فیصلہ کرلیا ہے ۔

حسبِ سابق اس دفعہ بھی پوری قوم نے اسی طرح جشن منایا جس طرح اس نے آٹھ سال قبل نوازشریف کی برطرفی کے موقع پر منایا تھا ، ہاں البتہ اس مرتبہ فرق صرف یہ ہے کہ میاں نوازشریف بھی اس جشن میں شامل ہیں ۔

مجھے اس واقعہ پر خوشی تو ہے کیونکہ میں بھی تو آخر پاکستانی ہوں لیکن اس کے ساتھ ساتھ میں کچھ پریشان بھی ہوں شاید اس لیے کہ میرا دماغ قومی دماغ سے کچھ زیادہ گھومنے لگ گیا ہے ۔مجھے پریشانی آئندہ کے منظر نامے پر ہے کہ اب کیا ہوگا ۔آیا دوبارہ جمہوریت اور آمریت کے دو پاٹوں میں پستے رہیں گے یا ہمارا یعنی وقوم کا کچھ بھلا بھی ہوگا۔۔۔۔۔

صدرصاحب بلکہ سابق صدر صاحب پرویز مشرف صاحب اپنے انجام کو پہنچے ۔۔۔۔۔ لیکن ابھی بہت کچھ ہونا باقی ہے ۔۔۔۔۔۔ آپ کو معلوم ہے کہ اب سب سے بڑا مسئلہ موجودہ حکومت کے لیے ان کی حفاظت کا ہے ۔ ویسے عجیب بات ہے کہ پہلے یہ حکومت ان کے نہ جانے پر پریشان تھی اب ان کے جانے پر پریشان ہے ۔ میں اپنے ناقص مطالعے اور تجربے کی روشنی کہ سکتاہوں کہ ان کا انجام بھی ان کے پیش رؤوں سے کچھ اچھا نہ ہو گا ۔ تاریخ پر نگاہ دوڑائیے اس ملک اور اس ملت سے بے وفائی اور غداری کرنے والوں کا کیا انجام ہوا مثلاً مجیب الرحمن ، ذوالفقار علی بھٹو(اپنی تمام تر خوبیوں کے باوجود)۔

بہر حال جو ہوا اللہ کی مشیت سے ہوا اور جو ہوگا اسی کے ھکم سے ہوگا ۔

لیکن پھر وہی کہ قوم کا کیا ہو گا ۔۔۔۔۔۔۔۔۔۔۔۔۔۔۔۔۔؟

کسی مشہور مغربی مفکر کا قول ہےکہ بری جمہوریت کا حل اچھی جمہوریت ہے نہ کہ آمریت۔

لیکن پاکستان کے لیے یہ اچھی جمہوریت کسی عنقا سے کم نہیں ساٹھ سال سے زائد کا عرصہ ۔۔۔۔۔ پانچ دس آمریتیں اور پانچ دس جمہوریتوں کا ذائقہ چکھنے کے باوجود پوری قوم ہنوز اچھی جمہوریت سے اسی طرح نابلد ہے جتنی وہ پہلے دن تھی ۔۔

سوال یہ ہے کہ اچھی جمہوریت کیا ہےاور وہ کب آئے گی ۔۔۔۔۔۔۔۔۔۔۔۔۔۔۔۔۔؟

میرا یہ سوال نوجوانوں سے ہے ۔ کیوں کہ پاکستان کو آزاد ہوئے چالیس سال سے زائد ہو گئے ہیں اور اس عرصے میں قوم کی ذمہ داری دوسری نسل پر آپڑتی ہےپچھلے لوگوں نے جو کیا سو کیا ۔۔۔۔۔ اب جو کرنا ہے وہ ہمیں کرنا ہے ۔۔۔۔۔۔

اقوال زریں

2008-08-15T07:52:00.000-07:00

محترم دوستو

السلام علیکم ورحمۃ اللہ وبرکاتہ

تاخیر سے آمد پر معذرت!

کچھ عرصے قبل میں نے اپنے ریکارڈ میں تابعین رضی اللہ عنہم اجمعین کے کچھ خوبصورت اقوال پائے میں نے سوچا آپ کو بھی ان پرحکمت اقول سے استفادے میں شریک کرلیا جائے ۔

نیکی کو پھیلانا بھی بہت بڑی نیکی ہے بلکہ اصل نیکی یہی ہے سو آپ کے اس طرح کا پرحکمت مواد ہو تو اس میں ہمیں ضرور شریک کریں ۔

خوشی

2008-07-10T06:24:00.000-07:00

خوشی ، مسرت ، آسانی ، سہولت اور اس طرح کے کئی الفاظ ہیں جن کا پیچھا کرنے انہیں حاصل کرنے اور اسے اپنے قبضے میں رکھنے کے لیے ہم لوگ مسلسل شب وروز مصروفِ عمل رہتے ہیں ۔ لیکن حیرت ہے کہ ہر شخص ان چیزوں کی کمی یا نا ہونے کا شکوہ کرتا دکھا ئی دیتا ہے
سوال یہ کہ اتنی زیادہ جدوجہد کے باوجود ان کا حصول ممکن کیوں نہیں ہوتا ۔۔۔۔۔۔۔ ؟ یہاں تک کہ انسان اسی بے چینی ، حسرت ویاس کے عالم میں اس جہان سے کوچ کر جاتا ہے ۔
دراصل یہاں مسئلہ خوشی کا نہیں بلکہ تصوّر خوشی کا ہے ۔ خوشی اور مسرت کی حقیقت اس سے بالکل جدا ہے کہ جسے لوگ خوشی سمجھے بیٹھے ہیں ۔
اس کی مثال ہم یوں لے سکتے ہیں کہ کہ کوئی آگ کو برف سمجھ کر اس سے ٹھنڈک حاصل کرنا چاہے تو آگ اسے جلائے گی ہی ۔۔۔! نہ کہ ٹھنڈک دے گی ۔ اور دنیا اسے پاگل سجھے گی ۔
خوشی کا معاملہ تو سراسر روحانی ہے اور ہم نے مادی فوائد کو خوشی کا نام دے رکھا ہے ۔ ہم اپنے اس تصور سے خوش ہوتے بھی ہیں لیکن ہمارے چہروں سے بے اطمینانی چھلک رہی ہوتی ہے ۔ کیونکہ کسی مادی سبب سے ہم مسکرا اور ہنس تو لیتے ہیں لیکن ہماری یہ ہنسی اور مسکراہٹ فقط اس چیز کا ردعمل ہوتی ہے جو کہ ہمارے سامنے ہے یا جس کے تصور میں ہم کھوئے ہوئے ہیں جیسے ہی وہ وجۂ مسکراہٹ ختم ہوتی ہے ہمیں دوبارہ بے اطمینانی اور بےکیفی کی کیفیت ڈھانپ لیتی ہے ۔
خوشی کیا ہے ۔۔۔۔۔۔ ! ایک احساس ہے ۔
ایک ایسا احساس جو آدمی میں ایسی کیفیات رونما کرتا ہے کہ جس کے سبب وہ خود کو ہر قسم کے ذہنی دباؤ سے آزاد سمجھتا ہے ۔
اس طرح یہ کیفیات جس عمل سے رونما ہوں وہ حصولِ خوشی کا ذریعہ سمجھی جاتی ہیں ۔ چاہے ان سے یہ کیفیت عارضی طور پر رونما ہو یا مستقل طور پر ۔
اب خود بتائیے کہ کون عارضی طور پر خوش رہنا چاہتا ہے۔۔۔۔۔۔۔ ۔! تمام عالم دائمی خوشی کے نسخے تلاش کرتا پھر رہا ہے اور دنیا ایسے عطائیوں کے پیچھے بھا گ رہی ہے جو عارضی مسرتوں کے حصول کے طریقوں کو دائمی مسرت کا لیبل لگا کر فروخت کر رہے ہیں ۔
( جاری )

حقیقی مسئلہ۔۔۔۔۔۔ ؟

2008-06-21T04:31:00.000-07:00

آپ کا حقیقی مسئلہ کیا ہے۔۔۔۔۔ ؟ اس بات کے جواب میں ہر شخص ایک دفتر کھول کر بیٹھ جائے گا کہ ''حضرت ایک ہو تو بتائوں ۔ یہاں تو آوے کا آوا ہی الٹ ہے''او

اس سوال کے کئی پہلو ہوسکتے ہیں ۔ مذکورہ بالاجواب دینے والےکے بارے میں یہ رائے قائم کی جائے گی کہ قوم اور ملت اس کے نزدیک ثانوی چیز ہے اس کے نزدیک اولیت اپنی ذات کو حاصل ہے۔

یہ بات عوام کاالانعام تک محدود ہو تو برداشت بھی کی جاسکتی ہے لیکن جب یہ خواص کا وتیرہ بن جائے تو اس قوم کا ہر شخص اور من حیث المجموع وہ قوم مجموعۂ مسائل بن کر رہ جاتی ہے ۔

قوم اجتماع کا نام ہے جبکہ مذکورہ بالا سوچ افتراق کی علامت ہے ۔اب آپ خود اندازہ لگا لیں کہ ہم من حیث القوم کہاں پر کھڑے ہیں ۔

ہمارے اخص الخواص ،اس ملک کے اعلیٰ ترین عہدوں پر فائز رہنے اور خوب نفع سمیٹنے کے بعد ملک میں رہنا پسند نہیں کرتے ۔ہمارے لیڈرانِ قوم اپنے مسائل کی وجہ سے مصلحتوں کا شکار ہو جاتے ہیں ۔صدر سے لیکر یوسی ناظم تک سب اپنا الو سیدھا کرنے میں لگے ہوئے ہیں ۔

سوال یہ کہ قوم کہاں ہے ؟ ہمیں تو یہاں فقط افراد کا کچھ مجموعہ نظر آرہا ہے ۔

(جاری)

جمہوریت

2008-06-18T10:59:00.000-07:00

اس وقت اس ملک میں جو کچھ ہو رہا ہے جمہوریت کی وجہ سے ہورہا ہے ۔ ہر کام کی تہہ میں جمہوریت کار فرما نظر آتی ہے ۔ قاتل کو اب قاتل جمہوریت کہا جاتا ہے جبکہ شہید اب شید جمہورت کہلائے جاتے ہیں عدلیہ کی بحالی جمہوریت کے ذریعے ہوگی ، عدلیہ کی قاتل جمہوریت ہے ۔جمہورت کے آنے سے چیزیں سستی ہوں گی ، جمہوریت کے بعد چیزیں مہنگی ہو رہی ہیں ،نقلی جمہوریت ، اصلی جمہوریت ،غلام جمہوریت ، آزاد جمہوریت جبکہ اقبال نے کہا تھا کہ
جمہوریت اک طرز حکومت ہے کہ جس میں
بندوں کو گنا جاتا ہے تولا نہیں جا تا
جمہوریت کی آواز میں اب بھی کچھ دم خم نظر آتا ہے لیکن یہ بالکل ایسا ہی ہے کہ جیسے آدمی موت سے پہلے زندگی کے لیے جدوجہد کرے ۔ تاریخ پاکستان ہمارے سامنے ہے پری تاریخ میں ہمیں کہیں جمہوریت کا فائدہ نظر نہیں آیا اور اگر ہمیں آج کل اگر کہیںسے فائدہ مل جاتا ہےتو وہ جمہوریت کا فائدہ نہیں بلکہ آمریت کی انتہائی قبیح صورت کے مقابلے میں کچھ قابل برداشت نظر آتا ہے ۔

گھر

2008-06-14T09:38:00.000-07:00

ایک مستحکم معاشرے اجتماعیت کے دائرے میں گھر وہ بنیادی اکائی ہے کہ جو معاشرے کے استحکام کی اساس ہے لہذا جس معاشرے میں یہ بنیادی اکائی جس قدر مضبوط اور مستحکم ہو گی وہ تمدنی زوال کے باوجود اپنے بکھرے وجود کو سمیٹنے میں بہت جلد کامیاب ہو سکتا ہے ۔ تنزل اور زوال کے باوجود اس معاشرے میں اقدار کی بالادستی اور ان کا احترام قائم ہو گا ۔ اخلاقیات کے اصولوں کی پاسداری کی جاتی رہے گی اور معاشرے میں قلبی سکون اور ٹھراؤ کی کیفیت رہے گی ۔

اس سارے پس منظر میں گھر وہ مقام ہے کہ جو سب سے زیادہ توجہ چاہتا ہے جو سب سے زیادہ وقت اور ذہن کا بڑا حصہ اپنے لیے وقف کر دینے کا مطالبہ کرتا ہے ۔ ایک گھر کا نظام درحقیقت کسی ریاست کے نظام سے کسی حیثیت سے بھی کمتر نہیں۔

اسلام کی یہ خصوصیت ہے کہ وہ زندگی کے بنیادی اور اہم مسائل کو فقط چند اصول بتا کر حل کر دیتاہے ۔ سیاسیات ،معاشیات معاشرت اور دیگرپہلؤوں کے بارے میں قرآن نے چند اصول بتا دیے ہیں ۔

بہت سے بڑے اور اہم معاملات کا حل اسلام نے فقط حیثیات کے معیار کو بتلا کر نکال دیا ہے ۔ ہم آج بھی اگر قرآن کے اس اصول کو اپنے پیش نظر رکھیں تو زندگی کے بیشتر مسائل کا حل ہمیں بآسانی مل سکتا ہے ۔